بتقولي بحلم بالكلام وياك وبستني الغرام
مش قادرة تنسى إني نسيتك وانتهى حبك كمان
طالبه الرجوع
لأ صدقينى دا كان زمان
أنا لسه فاكرك وانت جايه توصفيلى
فاكرانى إيه بتقولي إيه
ملهوف وآخر لهفتى دمعى اللى فايت
سكران وكانت خمرتى أشواق وماتت
انسينى أرجوكى ابعدينى
كل ما اطلع فوق تجيلى وتشتكيلى
آسف أكون أكتر نيران بتولعك
هضحك عليكى واخدعك
بلعن عصافيرى .........ورودى .........شقتى
أسوار مدينتي وصوت حبايبى وغربتي
والطيف مابينا بينسرق
بحزف حروفك من رمال الشط لحسن تنحرق
وشوارعك اللى خطتيها بخطوتك
وايديا وخدودى وصوتي وبسمتى
انتى اللى زيك عمر ما يكون له ضمير
ولا حتى يعرف أد إيه الحب نور
لأ مستحيل
إنك يا حلوة ترجعيلى
ليست هناك تعليقات:
إرسال تعليق